U-15 Gimnaziadada boksçularımız daha bir neçə medal qazanıb.

Prosport.Az xəbər verir ki, Serbiyanın Zlatibor kurort mərkəzində keçirilən yarışın 2-ci günündə Azərbaycan millisinin 16 idmançısı rinqə çıxıb.

Boksçularımızdan Kəmalə Həsənova (54 kq) yarımfinalda Mariya Zakrzevskayaya (Ukrayna), Babək Abdullayev (40 kq) Aqapitu Silvaya (Braziliya), İsmayıl Aslanlı (50 kq) Hüseyn Ərə (Türkiyə) və Sabir Rüstəmov (57 kq) Almeyda Pedruya (Braziliya) qalib gələrək finala vəsiqə qazınıb.

Finalda döyüşən Nurlan Müseyibli (66 kq) Vladimir Çabana (Ukrayna), Zirəddin Rüstəmli (70 kq) Parsa Harunəlrəşidiyə (İran), Mehran Rəsulov (75 kq) Viktor Maystoroviçə (Serbiya), Yusif Ağakişiyev (80 kq) Aleksey Fedorivə (Ukrayna), Aysan Miriyeva (46 kq) Anastasiya Yaremenkoya (Ukrayna) qalib gələrək qızıl medala yiyələnib.

Həlledici görüşdə məğlub olan Amir Həsənov (48 kq), Sərxan Haqverdiyev (63 kq), Aişə Muradova (44 kq), Nuray Qafarova (48 kq) və Leyla Mahmudlu (51 kq) 2-ci yeri tutub.

Kazım Baxışov (42 kq), Yusif Əli (52 kq) və Azad Məmmədli (44 kq) isə bürünc medala yiyələnib.

Beləliklə, boks milli komandamızın Gimnaziadadakı medal sayı 14-ə yüksəlib. Onlardan 5-nin əyarı qızıl, 5-ninki gümüş və 4-nünkü isə bürüncdür.

Qeyd edək ki, yarışın son günündə – sabah daha 4 qız və 3 oğlan boksçumuz finalda döyüşəcək.