Bakıda keçiriləcək dünya çempionatına hazırlaşan minifutbol millimiz Monteneqro və Slovakiyada keçiriləcək Avropa Minifutbol Federasiyasının təşkil etdiyi Millətlər Oyunlarına qatılacaq.
Prosport.Az-ın xəbərinə görə, 24-26 apreldə Monteneqronun Xertseq Novi şəhərində keçiriləcək turnirdə meydan sahibi və millimizdən başqa, Bosniya və Herseqovina, Qazaxıstan və Türkiyə yığmaları da çıxış edəcək. Bu turnir dairəvi sistemlə keçiriləcək.
30 aprel – 1 may tarixlərində Slovakiyanın Koşitse şəhərində keçiriləcək yarışda isə turnirə meydan sahibi və millimizdən başqa, Ukrayna, Polşa, Belçika və Macarıstan yığmaları qatılacaq. Ukrayna və Belçika müvafiq olaraq Serbiya və İngiltərəni əvəzləyib. Millimiz qrupda Ukrayna və Slovakiya ilə oynayacaq.
Qeyd edək ki, ilk dəfə minifutbol üzrə dünya çempionatı Bakıda keçiriləcək. Yarış 21 may – 1 iyun tarixlərində baş tutacaq.
