"Hətta vəziyyət ümidsiz görünəndə belə, biz qələbəyə inandıq".

Prosport.Az xəbər verir ki, bunu NTD-in basketbolçusu Detrek Brauninq Azərbaycan Kubokunun final matçından sonra deyib.

29 yaşlı amerikalı legioner bu qələbənin onun üçün vacib olduğunu vurğulayıb: “Çox sevincliyəm. Həyat yoldaşımdan soruşa bilərsiniz. Tez-tez deyirdim ki, o kuboku istəyirəm. Paltardəyişmə otağına girəndə yenə təkrarlayırdım: “O kuboku istəyirəm”. Çalışanda, Allaha inananda və inam o uğuru gətirəndə bəhrəsini görmək çox gözəldir”.

Qeyd edək ki, NTD Azərbaycan Kubokunun finalında "Gəncə"yə 81:72 hesabı ilə qalib gəlib.