“Moldova yığmasına qarşı 2 fərqli oyun izlədik”.

Prosport.Az xəbər verir ki, bunu 19 yaşadək futbolçulardan ibarət Azərbaycan milli komandasının (U-19) baş məşqçisi Elxan Abdullayev deyib.

O, Qəbələdə təşkil olunan təlim-məşq toplanışı çərçivəsində Moldova yığması ilə keçirilən yoxlama oyunları ilə bağlı fikirlərini bildirib: “İlk görüşdə heç-heçə etdik. 2-ci qarşılaşmada isə bütün futbolçulara şans verməyə çalışdım. Heyəti tamamilə dəyişmişdik. Toplanış seleksiya xarakteri daşıyırdı. Növbəti toplanışlarda kimlərlə yolumuza davam etməli olduğumuzu dəqiqləşdirmək üçün hamıya şans verdik. Təbii ki, məğlubiyyətdə bu amil öz təsirini göstərdi. İyunda yenidən bir araya gələcəyik. Futbolçuları izləmək və seçim etmək üçün vaxtımız olacaq. Yaydakı toplanışda qarşıdakı seçmə mərhələ matçlarına hazırlaşacağıq”.

Qeyd edək ki, Moldova ilə ilk matçda qolsuz heç-heçə oynayan millimiz 2-ci görüşdə 1:4 hesabı ilə uduzub.