Bu il Azərbaycanda təşkil olunacaq minifutbol üzrə dünya çempionatının püşkü atılıb.

Prosport.Az xəbər verir ki, 1-ci səbətdən komandaların adlarını AFFA İcraiyyə Komitəsinin üzvü və "Qarabağ"ın baş məşqçisi Qurban Qurbanov, 2-ci səbətdən "Zirə"nin baş məşqçisi Rəşad Sadıqov, 3-cü səbətdən minifutbol millimizin sabiq kapitanı Seymur Məmmədov və 4-cü səbətdən Portuqaliya millisinin və "Mançester Yunayted"in sabiq futbolçusu Nani çıxarıb.

Püşkatma mərasimində Azərbaycan milli komandası A qrupunda Mavritaniya, Sloveniya və Bəhreyn komandaları ilə birlikdə mübarizə aparacaq.

Turnir mayın 21-dən iyunun 1-dək Bakıda keçiriləcək.

Qeyd edək ki, Dünya Minifutbol Federasiyası (WMF) tərəfindən 5-ci dəfə təşkil ediləcək mundialın son qalibi Rumıniya yığması olub. Millimiz isə həmin turnirdə 4-cü yeri tutub.