Bakıda keçiriləcək minifutbol üzrə dünya çempionatının püşkatma mərasiminin vaxtı və məkanı bəlli olub.

Bu barədə Prosport.Az-a Azərbaycan Minifutbol Federasiyasının baş katibi Orxan Hüseynov bildirib.

Onun sözlərinə görə, martın 12-də keçiriləcək püşkatma mərasimi saat 18:00-da baş tutacaq. Püşk "Ritz-Carlton Hotel"in "Şuşa" zalında atılacaq.

Qeyd edək ki, dünya çempionatı 21 may – 1 iyun tarixlərində keçiriləcək. Ardıcıl 2-ci dəfə mundialın iştirakçısı olacaq yığmamız püşkatma mərasimində meydan sahibi kimi son dünya çempionu Rumıniya, Qazaxıstan, Serbiya, Macarıstan, Meksika, Çexiya və Slovakiya ilə ilk səbətdə yer alacaq.