Albaniyada çempionatında XXVIII turun görüşləri keçirilib.

Prosport.Az xəbər verir ki, Azərbaycan millisinin müdafiəçisi Zamiq Əliyevin formasını geyindiyi "Eqnatiya" vacib qələbə qazanıb.

Onun komandası turnir cədvəlində ən yaxın izləyicisi "Dinamo"nu məğlub edib. Qarşılaşma "Eqnatiya"nın 2:0 hesablı qələbəsi ilə yekunlaşıb.

Meydana start heyətində çıxan Zamiq Əliyev matça əlavə olunmuş dəqiqələrdə əvəzlənib.

Qeyd edək ki, "Eqnatiya" 52 xalla liderdir. Bu turda qalib gələn "Vlajniya" 49 xalla 2-ci, "Dinamo" isə 47 xalla 3-cü pillədədir.