Misli Premyer Liqasının XXV turunda keçirilən “Kəpəz” – “Neftçi” (1:0) matçından sonra meydan sahibi komandanın baş məşqçisi Azər Bağırov jurnalistlərin suallarını cavablandırıb.

Prosport.Az xəbər verir ki, mütəxəssis əvvəlcə oyunla bağlı fikirlərini bölüşüb.

– Nə qədər epizodlar yaradırıq, saədəcə dəyərləndirə bilmirik. “Neftçi”yə qarşı oynayırdıq. Bundan öncə 2 Kubok matçında uduzmuşduq. Allaha həmd olsun ki, bu gün çox vacib 3 xal qazandıq.

– Kərim LKuşa 2 epizodu qaçırdı. Həmin vaxt bir narahatlıq yarandımı?
– O barədə fikirləşmirəm. Vursa, daha yaxşı olardı. Rəqibi bir neçə əks-hücumda tutduq, amma vura bilmədik.

– Vaqif Cavadov sonuncu mətbuat konfransında demişdi ki, “Kəpəz”lə oyunda hər şeyi görəcəksiniz. Həmin sözlərlə tanışsınız?
– Düzü o barədə fikirləşməmişik. Sırf oyuna köklənmişik. Doğrudan da “Neftçi” ilə matçın çox gərgin keçəcəyini gözləyirdik. “Sumqayıt”la oyuna baxarıq.

– “Sumqayıt” 11 oyundur ki, qol vura bilmir. Bunun sizin üçün mənfi, yoxsa müsbət tərəfi daha çoxdur?
– Mənfi şeylər bizdə daha çoxdur. Hansı ki, evdə oynayırlar və ehtiyat oyunçular skamyası daha genişdir. Azarkeşlərimizə təşəkkür etmək istəyirəm. Kubok matçında qarlı havada bizi dəstəklədilər. Məğlub olsaq belə, dəstək oldular.

– “Səbail” və “Neftçi” “Kəpəz”ə uduzduqdan sonra baş məşqçiləri istefa vermişdi. Növbəti hədəf kimdir?
– Vaqifə də, “Sumqayıt” futboluna da hörmətimiz var. Kimisə istefaya göndərə bilmərik. Bəlkə biz istefa verdik, bilmək olmaz.