Almaniya mətbuatı millimizin futbolçusu Mahir Emreli ilə bağlı yeni iddia ortaya atıb.

Prosport.Az xəbər verir ki, bir müddət öncə “Nürnberq”in 27 yaşlı hücumçu ilə müqavilənin müddətini uzadacağı bildirilsə də, indi başqa məlumat yayılıb.

İddiaya görə, hazırda 2-ci Bundesliqa təmsilçisində təcrübəli forvardla yeni sözləşmə imzalamaq planlaşdırılmır. Klub bütün gücünü səfərbər edərək, yay fasiləsində yeni hücumçu almağa çalışacaq. Bu isə Mahirin mövsümün sonunda komandadan göndəriləcəyi deməkdir.

Qeyd edək ki, Mahir Emreli cari mövsümün əvvəlində  “Nürnberq”lə 1 illik müqavilə imzalayıb.