"Rəqibimizi göstərdiyi mübarizəyə görə təbrik edirəm. Pley-off matçına bənzər oyun oldu. Müdafiəmizi yaxşı qursaq, bu liqada hər bir komandanı məğlub edə bilərik".

Prosport.Az xəbər verir ki, bu sözləri “Şəki”nin baş məşqçisi Bedri Məriç Azərbaycan Basketbol Liqasının XVI turunda "Ordu"ya 89:74 hesabı ilə qalib gəldikləri oyun barədə danışarkən deyib.

Türkiyəli mütəxəssis bildirib ki, evdə oynadıqları yaxşı basketbolu bu gün də davam etdiriblər: "Oyunçularımın hamısına təşəkkür edirəm, bu onların qələbəsidir. "Ordu" kimi güclü heyəti olan komandanı 3 dəfə məğlub etmək gözəl nailiyyətdir. Bu, "Şəki"nin gəldiyi nöqtəni göstərir. Ümid edirəm ki, hədəfimiz olan pley-offa düşəcəyik. Yeni oyunçumuz Tomi Lyuk komanda ilə cəmi 1 məşq keçdi, hələ tam hazır deyil, zamana ehtiyacı var. 1-2 matç sonra bizim komandaya uyğunlaşacaq".