Millimizin futbolçusu Mahir Emrelinin çıxış etdiyi "Nürnberq" Almaniya 2-ci Bundesliqasında növbəti oyununu keçirib.

Prosport.Az xəbər verir ki, Nürnberq şəhərinin eyniadlı təmsilçisi öz meydanında "Hannover"i qəbul edib. Görüş qonaqların 2:1 hesablı qələbəsi ilə başa çatıb. "Nürnberq" 4 turdan sonra məğlub olub.

Görüşə ehtiyatda başlayan Mahir Emreli "Nürnberq"ə qayıdışını gerçəkləşdirib. O, 77-ci dəqiqədə Robin Knoxenin yerinə meydana daxil olub. 28 yaşlı forvard meydanda olduğu müddət ərzində ciddi heç nə ilə yadda qalmayıb.

Qeyd edək ki, bu nəticədən sonra 35 xalı olan "Nürnberq" 9-cu pillədə qərarlaşıb.