“Nürnberq”in hücumçusu Mahir Emreli qərarını verib.

Prosport.Az xəbər verir ki, o, mövsümün sonunadək Almaniya klubunda qalacaq.

Millimizin futbolçusu yayadək 2-ci Bundesliqa klubunda çıxış edəcək. Bu barədə o, "İnstaqram" hesabında paylaşım edib: “Son günlərdə haqqımda bir neçə fərziyyə var. Şəxsən azarkeşlərə müraciət etmək və çaşqınlığı aradan qaldırmaq istərdim. “Nürnberq”in oyunçusu kimi qalacağam və həm meydanda, həm də meydandan kənarda komanda üçün əlimdən gələni edəcəyəm. Məqsədim komandanın uğur qazanmasıdır. Burada özümü xoşbəxt hiss edirəm və yüksək motivasiyam var”.

Qeyd edək ki, Mahir Emrelinin Cənubi Koreyaya yollanmaq ehtimalı var idi. Baş məşqçi Miroslav Kloze “Seul”la danışıqlar davam etdiyi üçün Emrelini heyətdən kənarda saxlayırdı. Asiyalılar tələb olunan transfer haqqını (500 min avro) ödəməkdən imtina etdiyi üçün keçid baş tutmayıb.