Aşağı yaş qruplarından ibarət yığma komandaların yeni baş məşqçiləri gələn ay bəlli olacaq. AFFA İcraiyyə Komitəsi martda baş tutacaq növbəti iclasında bu məsələyə nöqtə qoymaq fikrindədir.

Prosport.Az futbolinfo.az-a istinadən xəbər verir ki, aylardır yığmalarımızın yeni baş məşqçilərinin müəyyənləşməsi məsələsi yubanır.

Bu müddətdə AFFA İcraiyyə Komitəsinin bir neçə iclası baş tutsa da, təyinatlarla bağlı qərar verilməyib. Lakin artıq zaman yetişib, növbəti seçmə mərhələnin oyunları yaxınlaşdığından, yığmaların məşqçi heyəti dəqiqləşməlidir.

Hazırda namizədlər müəyyənləşdirilir. Komitənin martda reallaşacaq iclasında təyinatlar rəsmiləşəcək. Bütün yığmaların yerli mütəxəssislərə həvalə olunması planlaşdırılır.