"Mövsümün sonunda necə olacağını bilmirik".

Prosport.Az xəbər verir ki, bunu "Turan Tovuz"un baş məşqçisi Qurban Berdiyev səfərdə "Şamaxı" komandasını 1:0 hesabı ilə məğlub etdikləri Misli Premyer Liqasının XXIV tur matçından sonra mətbuat konfransında deyib.

Mütəxəssis oyunun çətin keçdiyini bildirib: "Hava durumuna görə çətin oyun alındı, amma şərtlər hər iki tərəf üçün bərabər idi. Bizim də, rəqibin də müəyyən imkanları oldu. Qələbə qazandığımız üçün şadıq".

Qurban Berdiyev oyunun idarəetməsindən razı qaldığını da bildirib: "Hakimlər oyunu yaxşı idarə etdi".

O, daha sonra komandasının durumunu şərh edib: "Hər oyuna ayrıca hazırlaşırıq və fikrimiz ancaq növbəti rəqibdə olur".