Misli Premyer Liqasında XIV turun növbəti oyunu keçirilib.

Prosport.Az xəbər verir ki, ikinci oyun gününün sonuncu görüşü lider “Qarabağ”la “Sabah” arasında oynanılıb.

Tərəflər hərəyə 1 qol və 1 xalla kifayətləniblər. Hesabı 17-ci dəqiqədə Abdullah Zubir açıb. Son nöqtəni isə 35-ci dəqiqədə Cesse Sekidika qoyub.

Bu, "Qarabağ"ın cari mövsüm ölkə çempionatında ilk ev heç-heçəsi olub.

Xatırladaq ki, daha öncə “Neftçi” “Sumqayıt”la ev oyunundan 1:0 hesablı qələbə ilə ayrılıb. “Araz-Naxçıvan” – “Səbail” matçında isə qalib müəyyənləşməyib – 0:0. “Şamaxı” – “Turan Tovuz” və “Zirə” – “Kəpəz” oyunları isə sabah keçiriləcək.