I Liqada mübarizə aparan "Zaqatala" qarlı hava şəraitinə görə məşq edə bilmir.

Prosport.Az xəbər verir ki, bölgə təmsilçisi stadionun qardan təmizlənməsi üçün azarkeşlərdən kömək istəyib. Bununla bağlı klubun sosial şəbəkə hesabında paylaşım edilib:

"Əziz azarkeşlərimiz, Zaqatalaya yağan güclü qar səbəbi ilə şəhər stadionunun qazonu qarla örtülüb. Bu səbəbdən komandamız məşqləri bərpa edə bilmir. Bu gün klubumuzun üzvləri qarın təmizlənməsinə başlayacaq. Sizdən xahişimiz bizə dəstək olmağınız və bu çətin prosedurda bizə köməklik etməyinizdir".

Yardıma gələcək hər kəsdən təmizlik avadanlıqlarını özü ilə bərabər gətirmələri xahiş olunub.