Belarusun paytaxtı Minskdə 17 yaşadək futbol milliləri (U-17) arasında keçiriləcək İnkişaf Kuboku turnirində yığmamızın yeri dəyişdirilib.

Prosport.Az-ın xəbərinə görə, millimiz həmin turnirdə püşkə əsasən A qrupunda Belarus, Özbəkistan və Braziliyanın "Blokçeyn" İdman Akademiyası ilə bir qrupda yer alıb.

Lakin Tacikistan tərəfi qrupda dəyişiklik edilməsini istəyib. Səbəb onların 3-20 apreldə Səudiyyə Ərəbistanında keçiriləcək U-17 Asiya çempionatında bir qrupda yer alan İranla qarşılaşmaq istəməməsi olub. Bu səbəbdən də Tacikistan A qrupuna salınıb. Azərbaycan isə B qrupunda Rusiya, İran və Qazaxıstanla mübarizə aparacaq.

Qeyd edək ki, İlham Yadullayevin komandası qrupda müvafiq ardıcıllıqla Rusiya (16 fevral), İran (17 fevral) və Qazaxıstanla (19 fevral) qarşılaşacaq. Turnirin finalı fevralın 21-də keçiriləcək.