"Sumqayıt" yeni mövsümün hazırlığında fəal olmayan klublardan biridir.

Prosport.Az-ın məlumatına görə, klub rəhbərliyinin biganə münasibəti Samir Abbasovu işinə olan münasibəti soyudur. Mənbənin verdiyi məlumata görə, Abbasovun tələb etdiyi legioner futbolçuların əksəriyyətindən imtina edilib. Buna səbəb onların yüksək ödənişli olmasıdır. 

Bu səbəbdən Abbasov prezident Riad Rəfiyevə etiraz edib. Hətta baş məşqçi yeni mövsümün hazırlıq planını tam tərtib etməyib. Komanda üzvlərinin son 2 ayda maaş və mükafatlarını almaması daxildə narazılıqları artırıb.

Hətta klub daxilində söhbətlər gəzir ki, son 2 ayın mükafatları ödənilməyəcək. Təkcə "Qarabağ" üzərində qələbəyə görə futbolçuların hər birinə 2 min manatdan çox mükafat ayrılıb.

Klub rəhbərliyinin bu münasibətini görən Samir Abbasov narazıdır və işinə həvəssiz yanaşır.