Belaruslu futbolçu Aleksandr Şestyuk "Səbail"ə keçməyə yaxın olub.
Prosport.Az-ın xəbərinə görə, BATE-nin 22 yaşlı sabiq hücumçusu son anda Cavid Hüseynovun çalışdırdığı komandaya keçməkdən imtina edib.
Hazırda Belarusun "İsloç" komandasında çıxış edən futbolçu autsayder olan və mövsümün sonunda Premyer Liqadan düşdükdən sonra dağılacağı gözlənilən klubdansa, başqa təklifləri dəyərləndirməyi daha üstün tutub. O və "İsloç"un digər hücumçusu Aleksandr Butko hazırda Rusiyanın "Rotor" klubunda baxışdadır.
Onu da bildirək ki, Aleksandr Şestyuk ötən mövsüm Minsk rayonunun komandası olan "İsloç"un bombardiri olub. O, 23 oyuna 11 qol vurub.
Qeyd edək ki, belaruslu futbolçulardan Yeqor Boqomolski "Neftçi"də, İqor Xvalko "Kəpəz"də çıxış edir. Onların hər ikisinin komandası da "Səbail"lə birgə Premyer Liqada qalmaq uğrunda mübarizə aparır.