17 yaşadək futbol millimiz (U-17) Belarusun paytaxtı Minskdə 8 komandanın iştirak edəcəyi beynəlxalq turnirə qatılacaq.

Prosport.Az-ın xəbərinə görə, İnkişaf Kuboku turnirində millimizdən başqa, meydan sahibi Belarus, İran, Tacikistan, Qazaxıstan, Özbəkistan, Rusiya, o cümlədən Braziliyanın "Blokçeyn Sports" Akademiyasının komandası yarışacaq.

Komandalar 2 qrupa bölünərək yarışacaq.

Qeyd edək ki, yarış 15-21 fevral tarixlərində keçiriləcək.

Onu da bildirək ki, bu turnirə millimizin yeni baş məşqçi ilə gedəcəyi gözlənilir. Hazırda komandanın baş məşqçisi olan İlham Yadullayevlə müqavilənin müddəti rəsmi olaraq bu ay başa çatacaq.