“Turan Tovuz”un sabiq futbolçusu Divayn Naanın Azərbaycana qayıtmaq variantı olub.

Prosport.Az xəbər verir ki, 28 yaşlı qanalı yarımmüdafiəçi ölkəmizdən təklif alıb.

Onunla maraqlanan komandanın adı açıqlanmasa da, keçidin baş tutmadığı vurğulanıb. Bildirilir ki, ötən il “Turan Tovuz”da cəmi 3 ay çıxış etməsinə baxmayaraq, orta sahə oyunçusunun “Jalqiris”dəki performansı Premyer Liqa təmsilçisinin marağına səbəb olub. Lakin Naah Litva klubunda qalmağı üstün tutub. O, hətta Kaunas komandası ilə müqavilə müddətini 2025-ci ilin sonuna qədər uzadıb.

Qeyd edək ki, “Mançester Siti”nin yetirməsi olan Divayn Naa 2023-cü ilin aprel-iyun aylarında “Turan Tovuz”un formasını geyinib.