I Liqada çıxış edən "İmişli" Futbol Klubuna ianə edilib.

Prosport.Az-ın xəbərinə görə, bu barədə Futbolun İnkişaf Fondunun icraçı direktoru Tural Piriyev məlumat verib. Onun sözlərinə görə, bölgə klubuna adını açıqlamadığı İmişlidən olan bir sahibkar 5 min manat dəyərində ianə edib:

"Keçən həftə 1 nəfər sahibkar zəng vurdu, dedi ofisiniz hardadır, görüşmək istəyirəm. Gəldi, çay içdik, futboldan danışdıq. Axırda da "İmişli" Futbol Klubuna 5 min manat ianə edib getdi.

Sahibkarın öz bölgə klubuna dəstəyi ilə yanaşı, bizə olan güvəni məni çox sevindirdi. Özü də qeyd etdi ki, tək bölgəsinin təmsilçisi olduğu üçün yox, fəaliyyətlərini bəyəndiyi üçün bu ianəni edir. Allah canını sağ eləsin, "İmişli"yə isə uğurlar!"

Qeyd edək ki, "İmişli" hazırda 20 xalla III sıradadır. Komanda lider "Qəbələ"dən 6 xal geridə qalır.