"Neftçi" Misli Premyer Liqasının XVIII turunda səfərdə "Turan Tovuz"la 1:1 hesablı heç-heçə edib.

Prosport.Az xəbər verir ki, "ağ-qaralar"ın baş məşqçisi Samir Abasov matçdan sonra keçirilən mətbuat konfransında jurnalistlərin suallarını cavablandırıb:

– Azarkeşlərimizə təşəkkür edirəm. Uzun yol gəlib bizi dəstəklədilər. İlk hissədə rahat idik, oyunu idarə edirdik. 2-ci yarıda gözləmədiyimiz epizoddan qol buraxdıq. Filip Ozobiç və Yeqor Boqomolksinin yorulması öz sözünü dedi. Rəqib standart vəziyyətlərdə təhlükəlidir. Futbolçularım mübarizə apardı. Burada hər rəqib çətinlik çəkir. 10-12 günlük istirahətə gedirik. Buna ehtiyacımız var. 

– Ervin Kofini mərkəzdə oynatmağı əvvəlcədən planlaşdırmışdınız?
– Xeyr, əvvəldən planlaşdırmamışdıq. Amma məşqdə bir az üzərində işləmişdik. Həmin mövqedə oyunçuların olmaması təsirsiz ötüşmür. 

– Qoldan başqa "Neftçi"nin təhlükəli epizodu olmadı. Əzəmətli futbol oynamaq üçün nə çatmır?
– Şəxslər üzərindən danışmayacağam. Mən burada bunu deməyəcəyəm. Hər şey nəzarətimiz altındadır. Oyunu otuzdurmaq üçün zaman lazımdır. Bizim üçün hələ ki prioritet nəticədir. "Digər komandalar dəhşət futbol oynayır, tək "Neftçi" oynamır" demək düzgün deyil.

– Qışdan sonra çətinliklərin arxada qalacağını düşünmək olar?
– Yaya kimi çətinlik çəkəcəyik. Qələbələr qazandıqca nələrisə düzəldə biləcəyik. Bəzi futbolçularımız uduzmaqdan qorxur. Yalnız qələbə ilə bunu aradan qaldıra bilərik. "Neftçi" olaraq işimiz çoxdur və dayanmadan işləyirik.

– Qışda komandadan gedənlər olacaq?
– İndi bunu demək yersiz olar. Transferlərin üzərində işləyirik. Gücləndirməli olduğumuz mövqelər var. Amma qışda transfer etmək çətindir. Əlimizdə olan oyunçuları göndərsək, bunun əziyyətini çəkə bilərik.

– Dominant "Neftçi"ni nə vaxt görəcəyik?
– Nə cavabı gözləyirsiniz məndən? Martın 22-si... Nə deyim sizə?

– Kilan Lebonun performansının aşağı düşməsi nə ilə bağlıdır?
– Bütün futbolçular bizimlə Tovuza gəlmişdi. Çünki çox vacib matç idi. Oynamamağı zədə səbəbindəndir. Tək Lebonu deməzdim, komanda şəklində yaxşı deyilik.