Almaniyanın "Nürnberq" klubunda çıxış edən Azərbaycan millisinin futbolçusu Mahir Emreli "Köln"ə uduzduqları 2-ci Bundesliqanın oyununda erkən əvəzlənməsinə etiraz edib.

Prosport.Az xəbər verir ki, 27 yaşlı hücumçu sözügedən qarşılaşmanın ilk hissəsindən sonra əvəzləndiyi üçün baş məşqçi Miroslav Klozeyə narazılığını bildirib.

Nəşr Emrelinin bununla bağlı instaqram hesabında post da paylaşdığı və daha sonra sildiyini də yazıb. Miroslav Kloze isə forvardın etirazına səssiz qalıb.

Qeyd edək ki, görüş "Nürnberq"in məğlubiyyəti ilə bitib – 1:3. Mahir Emreli fasilədən sonra Florian Fliklə əvəzlənib. Həmin vaxt komanda 0:3 hesabı ilə geridə olub.