AFFA İcraiyyə Komitəsnin dünənki iclasında qərar verilməsə də, bir sıra məsələlər müzakirə olunub. Tədbirdə qonaq kimi iştirak edənlər də olub və onların təklifi dinlənilib.

Prosport.Az futbolinfo.az-a istinadən xəbər verir ki, iş adamı Adnan Əhmədzadənin Azərbaycan futboluna gəlişi reallaşır. Bu şəxs hətta verdiyimiz xəbəri sosial şəbəkədə özü rəy yazaraq təkzib etsə də, yalan danışdığı üzə çıxır. Çünki dünən onun sahibi olduğu ASTA (Azerbaijan Sport Talents Academy) şirkətinin nümayəndəsi komitənin iclasında olub.

Sözügedən şəxs “Mingəçevir” klubu ilə bağlı layihə təklif edib. Orada eyniadlı şəhərdə infrastrukturun qurulması, güclü komanda təşkili ilə bağlı əla məqamlar var. ASTA I Liqa klubunu 2-3 il ərzində Premyer Liqaya yüksəltmək niyyətindədir.

Rəsmi qərar olmasa da, İcraiyyə Komitəsi “Mingəçevir”in Adnan Əhmədzadəyə verilməsinə ilkin razılığını bildirib. Rəsmi qərar yanvarda baş tutacaq iclasda olacaq.

Qeyd edək ki, bu barədə ilk xəbəri Prosport.Az saytı ictimaiyyətə çatdırmışdı.