"Araz-Naxçıvan"ın qapıçısı Kristian Avram Azərbaycan çempionatları tarixinə düşüb.

Prosport.Az xəbər verir ki, moldovalı qolkiper Beynəlxalq Futbol Tarixi və Statistikaları Federasiyasının (İFFHS) siyahısına düşmək üçün zəruri olan 660 "quru" dəqiqə səddini aşıb.

Onun Misli Premyer Liqasındakı "quru" seriyası XVII turda qırılıb. XVII turun “Sabah”la görüşünün 78-ci dəqiqəsində fərqlənən Coy-Lens Mikels komandasına 1:0 hesablı qələbə qazandırmaqla Avramın seriyasını qırıb. Moldovalı qapısını ümumilikdə 677 dəqiqə toxunulmaz saxlayıb.

Bu, ölkə çempionatları tarixində ən azı 660 dəqiqə davam edən 21-ci "quru" seriyadır. Avram 677 dəqiqəlik seriya ilə siyahıda 20-ci göstəriciyə malikdir.