"Bizi çətin oyun gözləyir. “Şəki” yaxşı oyunçulara malik formalaşmış bir komandadır".

Prosport.Az xəbər verir ki, bunu “Ordu” basketbol klubunun baş məşqçisi Alberto Blanko klubun mətbuat xidmətinə açıqlamasında deyib.

İspaniyalı mütəxəssis Azərbaycan Basketbol Liqasının növbəti turunda “Şəki” ilə oyundan gözləntilərini açıqlayıb. O bildirib ki, onları çətin matç gözləyir: “Azərbaycan millisində çıxış edən təcrübəli oyunçuları var. Üstəlik, legionerləri də pis deyil. Ötən ildən bir yerdə oynayan yaxşı kollektiv formalaşdırıblar. “Şəki” səliqəli və yaxşı oynayır. Çalışmalıyıq ki, onların sərbəst çıxış etmələrinə imkan verməyək. Əsas diqqətimiz öz oyunumuza yönəlib. Ötən oyunlardan sonra səhvlərimizi görmüşük və onların təkrarlanmaması üçün çalışırıq. Oyundan-oyuna təcrübəmizi artırmaq istəyirik. Fikrimcə, azarkeşlər çox maraqlı oyunun şahidi olacaqlar”.

Qeyd edək ki, “Ordu” – “Şəki oyunu dekabrın 18-də, saat 15:00-da start götürəcək. 6 turdan sonra hər iki klub 10 xal toplayıb.