"Qarabağ" Misli Premyer Liqasında bu gün "Sumqayıt"la üz-üzə gələcək.

Prosport.Az xəbər verir ki, XVII turun son matçı Tofiq Bəhramov adına Respublika stadionunda keçiriləcək.

Saat 19:00-da start götürəcək görüşü Tural Qurbanov idarə edəcək. Ehtiyatda bir oyunu olan "köhlən atlar" hazırda 38 xalla 2-ci, "gənclik şəhəri" təmsilçisi isə 19 xalla 6-cı pillədə qərarlaşıb.

Misli Premyer Liqası
II dövrə, XVII tur
16 dekabr
19:00. “Qarabağ” – “Sumqayıt”
Hakimlər: Tural Qurbanov, Rəhman İmami, Asiman Əzizli, Əkbər Əhmədov.
VAR: Kamal Umudlu.
AVAR: Cəmil Quliyev.
Hakim-inspektor: Babək Quliyev.
AFFA nümayəndəsi: Zümrüd Ağayeva.
Tofiq Bəhramov adına Respublika stadionu

Qeyd edək ki, turun daha əvvəl keçirilmiş oyunlarında “Sabah” “Araz-Naxçıvan”ı 1:0, "Neftçi" "Kəpəz"i 2:1 hesabı ilə məğlub edib. “Şamaxı” - “Səbail” və “Zirə” - “Turan Tovuz” görüşləri isə qolsuz bitib.