"Sabah"ın sabiq baş məşqçisi, hazırda "Krasnodar”ı çalışdıran Murad Musayev Bakıya gəlib.

Prosport.Az xəbər verir ki, Rusiya çempionatında yaranmış fasilə müddətində Azərbaycana gələn mütəxəssis “Sabah”ı da ziyarət edib.

41 yaşlı çalışdırıcı klub prezidenti Maqsud Adıgözəlov və komandanın baş məşqçisi Vasili Berezutski ilə görüşüb. Ölkəmizdən bu ilin fevralında ayrılan Musayevin Azərbaycana gəlişi, xüsusən də 3 il çalışdırdığı kluba baş çəkməsi maraqla qarşılanıb.

Görəsən, Murad Musayevi Bakıya gətirən səbəb nədir və burda nə qəsər qalacaq? Musayev “Futbol+”ə bu sözləri deyib: “Səfərlə bağlı deyəcək nəsə ciddi səbəb yoxdur. Bir neçə gündür ki, şəxsi işimlə bağlı Bakıdayam. Bu gün (dünən) qonaqlarım və qohumlarım Bakıya gəlib. Onlara Bakını göstərirəm. Hazırda çox vaxtım yoxdur. Yəni, ünsiyyət qurmaq üçün uyğun deyiləm”.