Minsk "Dinamo"su UEFA Konfrans Liqasının V turunda ilk xallarını qazanıb.

Prosport.Az-ın xəbərinə görə, Sumqayıtda keçirilən görüşdə Belarus çempionu Şimali İrlandiyanın "Larn" komandasını 2:0 hesabı ilə məğlub edib.

Bu, "Dinamo"nun Mehdi Hüseynzadə adına Sumqayıt şəhər stadionunda keçirdiyi son ev qarşılaşması olub.

Qeyd edək ki, Vadim Skripçenkonun yetirmələri sonuncu turu Yunanıstanın paytaxtı Afinada "Panatinaikos"a qarşı keçirəcək. 3 xalı olan Minsk təmsilçisinin cüzi də olsa pley-off şansı qalmaqdadır.