"Qarabağ"ın futbolçusu Marko Veşoviç Avropa Liqası əsas mərhələsinin "Elfsborq"la matçından öncə keçirilən mətbuat konfransında iştirak edib.

Prosport.Az xəbər verir ki, monteneqrolu cinah müdafiəçi matça yaxşı hazırlaşdıqlarını bildirib:

"Sabah bizi çətin rəqibə qarşı ağır oyun gözləyir. Həftə ərzində matça yaxşı hazırlaşmışıq. Xallara ehtiyacımız var. Ümid edirəm ki, sabah istədiyimiz oyunu nümayiş etdirib, yaxşı nəticə ilə evə qayıdacağıq və qələbəni öz azarkeşlərimizlə qeyd edəcəyik".

Qeyd edək ki, "Elfsborq" – "Qarabağ" qarşılaşması sabah Bakı vaxtilə saat 00:00-da start götürəcək.