Futbol üzrə Almaniya 2-ci Bundesliqasında XV turun oyunlarına start verilib.

Prosport.Az xəbər verir ki, Azərbaycan milli komandasının üzvü Mahir Emrelinin formasını geyindiyi "Nünbeq" səfərdə "Elvasbeq"in qonağı olub. Qarşılaşma meydan sahiblərinin 2:1 hesablı əzmkar qələbəsi ilə başa çatıb. Bununla da Emrelinin komandası ardıcıl 5-ci dəfə qələbə qazana bilməyib.

Mahir Emreli də bu görüşün iştirakçısı olub. 27 yaşlı forvard matça start heyətində başlayıb və 90 dəqiqə meydanda olub. O, 52-ci dəqiqədə sarı vərəqə görüb. Futbolçumuzun ilk hissədə 2, fasilədən sonra 1 dəfə qol vurmaq şansı olub.

15 turdan sonra aktivində 19 xal olan "Nünbeq" turnir cədvəlinin 12-ci pilləsində qərarlaşıb.