Azərbaycan millisinin yarımmüdafiəçisi Ozancan Kökçünün çıxış etdiyi Finlandiyanın HİK klubu İsveç təmsilçisi "Djurqarden"lə yoxlama oyunu keçirib.

Prosport.Az xəbər verir ki, 40 dəqiqəlik 3 hissədən ibarət olan görüş Helsinki təmsilçisinin məğlubiyyəti ilə yekunlaşıb - 1:6.

Meydana start heyətində daxil olan Kökçü 65-ci dəqiqədə komandası 1:0 öndə olarkən əvəzlənib. HİK yeganə qolu 51-ci dəqiqədə penaltidən vurub. Komandasına penalti qazandıran isə Kökçü olub. 

Matçın 65-ci dəqiqəsindən sonra HİK-də bütün meydan oyunçuları əvəzlənib və az oyun şansı qazanan futbolçulara şans verilib.

Qeyd edək ki, HİK Finlandiya çempionatında 45 xalla 3-cü pillədə qərarlaşıb.