Millimizin və Almaniyanın "Nürnberq" klubunun hücumçusu Mahir Emreli heyətdəki yerini itirə bilər.

Prosport.Az xəbər verir ki, Almaniyanın clubfocused.de portalı "Nürnberq"in son olaraq Kanadanın "Toronto" klubunda çıxış etmiş Prins Ovusunu transfer etmək istədiyini yazıb.

"Ştutqart"ın yetirməsi olan, Qana əsilli almaniyalı hücumçunun hazırda klubsuz olması "Nürnberq"in bu transferi qışda həyata keçirəcəyindən xəbər verir. 1,90 metr boya malik olan Ovusu 2-ci Bundesliqada "Arminiya", "Paderborn", "Ersqebirqe" və "Yan" komandalarında çıxış etdiyindən, bu çempionata tanışdır.

Həmçinin, transfermarkt.de saytı yayda müqaviləsi bitən 8 oyunçu ilə qışda müqavilənin pozula biləcəyini də istisna etməyib. Bunlar Tim Handverka, Mahir Emreli, Danilu Suares, Ondrjey Karafiat, Enriko Valentini, Zimon Yoaxims, Nikolas Orteqel və Viners Osavedir.

Qeyd edək ki, Almaniyada transfer pəncərəsi yanvarın 1-də açılıb, fevralın 3-də bağlanacaq.