"Sabah"da daha bir məşqçi təyinatı baş tutub.

Prosport.Az xəbər verir ki, Vasili Berezutski məşqçilər korpusuna daha bir həmyerlisini dəvət edib.

Belə ki, Vitali Kovalyovun ayrılmasından sonra boş olan qapıçılar üzrə məşqçi funksiyasını Aleksey Antonyuk yerinə yetirəcək. Artıq rusiyalı məşqçi komandaya qoşulub.

Onun son komandası Rusiyanın “Rodina” klubu olub. Aleksey Antonyuk 2,5 il idi ki, Moskva klubunda çalışırdı.

Xatırladaq ki, daha əvvəl Vasili Berezutski rusiyalı məşqçilər Dmitri Smirnov və Aleksandr Naqornı ilə birlikdə Bakı klubuna keçmişdi. Smirnov da "Rodina"dan gəlmişdi.