Azərbaycan Kubokunda 1/4 finala yüksələn son 2 klubun adına aydınlıq gəlib.

Prosport.Az xəbər verir ki, son olaraq "Zirə" və "Sumqayıt" komandaları mərhələ adlayıb.

1/8 finalda "qartallar" "Şamaxı"ya, "gənclik şəhəri " təmsilçisi isə MOİK-ə 3:1 hesabı ilə qalib gəlib.

"Zirə"nin heyətində Ayron Qomis (12), Ceyhun Nuriyev (24) və Yusuf Laval (52) fərqlənib. Qonaqların yeganə qoluna isə Brahim Konate (41) imza atıb.

"Zirə" 1/4 finalda "Araz-Naxçıvan"la üz-üzə gələcək.

"Sumqayıt"ın qollarını Sərtan Taşkın (30), Sənan Muradlı (98) və Rəhim Sadıxov (118) vurub. "Hərbiçilər"in heyətində isə İbrahim Əliyev (64) fərqlənib.

"Sumqayıt" növbəti mərhələdə "Sabah"la qarşılaşacaq.