"Rəqib ilk dəqiqələrdən yaxşı müdafiə olundu".

Prosport.Az xəbər verir ki, bunu "Kəpəz"in baş məşqçisi Azər Bağırov "İmişli"yə qarşı Azərbaycan Kubokunun 1/8 final mərhələsinin oyunundan sonra baş tutan mətbuat konfransında deyib.

Mütəxəssis qələbə qazandıqları üçün sevincli olduqlarını bildiirb: "Bizim üçün oyun çətin başladı. İlk hissədə qol epizodlarımız da oldu. Amma yararlana bilmədik. Heyətin 70-80%-ni dəyişmişdik, ona görə də çətinlik yaşadıq. Ümumi götürəndə maraqlı həftə keçirəcəyik. Bazar günü "Zirə" ilə çempionat oyunumuz var. Əsas odur ki, qələbə qazandıq. Zədəsiz növbəti oyuna hazırlaşacağıq".

Qeyd edək ki, "İmişli"yə 1:0 hesabı ilə qalib gələn "Kəpəz" Azərbaycan Kubokunda 1/4 finala yüksəlib.