Azərbaycan Kubokunun 1/8 final mərhələsində "Turan Tovuz" və "Sabah" komandaları arasında keçirilən oyunda xoşagəlməz hadisə baş verib.

Prosport.Az xəbər verir ki, matçın 21-ci dəqiqəsində meydan sahibi komandanın futbolçusu Denis Marandiç ciddi zədə alıb.

Moldovalı sol cinah müdafiəçisinin ayağı "Sabah"ın slovakiyalı hücumçusu Pavol Şafranko ilə mübarizə zamanı sınıb. O, təcili tibbi yardım maşını ilə xəstəxanaya aparılıb. Denis Marandiçin yerinə meydana İsmayıl Zülfüqarlı daxil olub.

Qeyd edək ki, hazırda davam edən görüşdə hesab 1:0 “Turan Tovuz”un xeyrinədir.