"Qarabağ"ın yarımmüdafiəçisi Yassin Benzya Fransa mətbuatına danışıb.

Prosport.Az xəbər verir ki, futbolçu Əlcəzair millisini seçməsinin səbəbini açıqlayıb:

"18-19 yaşım olanda Fransanın Canal+ telekanalına müsahibə vermişdim. Siz başa düşməlisiniz ki, mənim bütün uğurlarım Fransanın gənclərdən ibarət komandalarında başlayıb - U-17 dünya çempionatı, U-19 Avropa çempionatı... Buna baxmayaraq, Əlcəzair həmişə mənim bir parçam olub. Gənclik illərində Fransanın matçlarına baxanda xoşbəxt olurdum. Zidanı və bütün həmin nəsli görmüşəm. Amma Əlcəzair millisinin oyununu görəndə fərqli hisslər keçirdim. Stressli idim, Əlcəzairin qalib gəlməsini çox istəyirdim. Fransa yığmasında isə hər şey fərqli idi: qalib gələndə sevinirdim, uduzanda isə mənim üçün heç bir məna kəsb etmirdi. Məndən hansı ölkədə oynamaq istədiyimi soruşduqda "Fransa" cavabını verirdim. Həmin müsahibəni verəndə mənə əvvəlcədən məlumat göndərilmişdi. Ona görə də o zaman həqiqəti deyə bilmədim. Futbol siyasətdir, bəzən demək istəmədiyin şeyləri söyləməli olursan".