Rusiyanın Soçi şəhərində təlim-məşq toplanışında olan qadın futbolçulardan ibarət Azərbaycan milli komandası növbəti yoldaşlıq görüşünü keçirib.

Prosport.Az xəbər verir ki, Siyasət Əsgərovun baş məşqçisi olduğu kollektiv ikinci dəfə Rusiya yığması ilə qarşılaşıb. “Soçi” klubunun məşq bazasında təşkil olunan oyun rəqibin qələbəsi ilə başa çatıb - 1:0.

Qeyd edək ki, millimiz Rusiya ilə keçirdiyi ilk görüşdə 0:1 hesabı ilə məğlub olub.

10:14

Qadın futbolçulardan ibarət Azərbaycan millisi bu gün Rusiya yığması ilə növbəti yoldaşlıq oyununu keçirəcək.

Prosport.Az xəbər verir ki, Siyasət Əsgərovun baş məşqçisi olduğu kollektiv rəqibi ilə səfərdə üz-üzə gələcək.

“Soçi” klubunun məşq bazasında baş tutacaq qarşılaşma Bakı vaxtı ilə saat 18:00-da start götürəcək. Görüşün baş hakimi tacikistanlı Nodira Mirzoyeva olacaq.

Qeyd edək ki, noyabrın 28-də təşkil olunan ilk oyunda Rusiya millisi qələbə qazanıb - 1:0