Azərbaycanlı FIFA referisi Elçin Məsiyev növbəti dəfə UEFA Konfrans Liqası oyununu idarə edib.

Prosport.Az xəbər verir ki, o, Liqa mərhələsinin IV turunda keçirilmiş “Serkle Brügge” (Belçika) – “Harts” (Şotlandiya) oyununun baş hakimi olub.

Məsiyevə yan xətdə Elşad Abdullayev və Pərvin Talıbov kömək ediblər. Dördüncü hakim funksiyasını Fərid Hacıyev yerinə yetirib.

Oyun “Serkle Brügge”nin 2:0 hesablı qələbəsi ilə başa çatıb. Elçin Məsiyev meydan sahiblərinin 1, qonaqların isə 2 futbolçusuna sarı vərəqə göstərib. O, 80-ci dəqiqədə Belçika təmsilçisinin qapısına penalti təyin etsə də, zərbə qolla nəticələnməyib.

Qeyd edək ki, “Serkle Brügge” 7 xalla 11-ci, "Harts" isə 6 xalla 17-ci pillədə qərarlaşıb.