Azərbaycan millisinin əksər futbolçuları Ramil Şeydayevlə çiyin-çiyinə oynamaq istəmir.

Prosport.Az xəbər verir ki, bununla bağlı sportinfo.az-a AFFA-dan məlumat daxil olub.

Yığmanın bir qrup futbolçusu assosiasiya nümayəndələri ilə görüşüb, ürəklərini boşaldıb. Onlar Ramil Şeydayevin komanda daxilində ab-havanı korladığını iddia edib. Bildiriblər ki, hücumçu özünü yoldaşlarından üstün tutur və sərt danışır.

Üstəlik, məşqlərə can yandırmadığı halda, iradlara kəskin reaksiya verir. Fernandu Santuş bütün bunları görmürmü?

Futbolçuların sözlərinə görə, baş məşqçi hər şeyin şahididir, ancaq nədənsə Ramil Şeydayevin nazıyla oynamağa davam edir və çox vaxt susur.

Millinin formasını geyinənlər deyib ki, portuqaliyalı mütəxəssis düşərgədə yaşanan hadisələrə sakit yanaşır, hər hansı qərar verməyə çətinlik çəkir, bu isə kollektivdə anarxiya əmələ gətirib.