“Qarabağ”ın hücumçusu Juninyu “Srvena Zvezda”nın transfer siyahısında yer alıb.

Prosport.Az apasport.az-a istinadən xəbər verir ki, Çempionlar Liqasında mübarizə aparan Serbiya nəhəngi Ağdam klubunun braziliyalı forvardını yayda heyətinə qatmaqda israrlıdır.

“Srvena Zvezda” bir çox klubun transfer siyahısında yer almış Juninyunu heyətinə qatmaq üçün "qabağa düşmək" istəyir. Serbiya çempionunun skautları bu gün Avropa Liqasının V turunun “Qarabağ” – “Lion” görüşünü stadiondan canlı izləməyi planlaşdırır. Futbolçunu komandalarında görmək istəyən serblər onu daha yaxından izləmək niyyətindədir.

Juninyu ötən mövsümün əvvəlində “Şaviş”dən “Qarabağ”a keçib. 28 yaşlı futbolçu müqaviləyə əsasən, 2026-cı il iyunun 30-na qədər Ağdam klubuna məxsusdur.

Qeyd edək ki, Juninyu daha əvvəl “Atletiko Paranaense”, “Portimonense”, “Novorizontinu”, “Fiqeyrense”, “Eştoril” və “Vila Nova” komandalarında çıxış edib.