"Qarabağ" çox yaxşı komandadır".

Prosport.Az xəbər verir ki, bu sözləri Fransanın “Lion” komandasının futbolçusu Jordan Veretu UEFA Avropa Liqasının əsas mərhələsində Bakıda “Qarabağ”a qarşı keçirəcəkləri V tur oyunundan öncə təşkil olunan mətbuat konfransında deyib.

O, Ağdam klubunun yaxşı hücum xəttinə sahib olduğunu bildirib: "Qarabağ"ın futbolçuları rəqib qapısı önündə hər an təhlükəli epizodlar yaratmağı bacarır. Vaxtilə "Lion"da oynamış Yassin Benzia indi bu komandanın heyətində çıxış edir. Çox təcrübəli və təhlükəli futbolçudur.

Öz performansımi bərpa etməyə çalışıram. Müxtəlif mövqelərdə oynamağı bacarıram. Hər şey baş məşqçinin qərarından asılıdır. Qalib gəlmək üçün bütün gücümüzü səfərbər etməliyik. Oyun çətin keçəcək".

Qeyd edək ki, sabah Tofiq Bəhramov adına Respublika stadionunda keçiriləcək “Qarabağ” – “Lion” matçı saat 21:45-də başlayacaq.