Minifutbol üzrə Azərbaycan millisi Birləşmiş Ərəb Əmirliklərinin (BƏƏ) Ras Əl-Xayma şəhərində keçiriləcək dünya çempionatının püşkatma mərasimində 1-ci səbətdə yer alacaq.

Prosport.Az xəbər verir ki, bu gün baş tutacaq tədbirdə son Avropa çempionu olan Elşad Quliyevin kollektivi ən güclülər sırasında qərarlaşacaq.

1-ci səbət: BƏƏ, Meksika, Rumıniya, Çexiya, Braziliya, Macarıstan, Slovakiya, AZƏRBAYCAN;
2-ci səbət: Ukrayna, Serbiya, Qazaxıstan, Qvatemala, Bolqarıstan, ABŞ, Fransa, Tunis;
3-cü səbət: Qana, Liviya, İngiltərə, Misir, Monteneqro, Gürcüstan, İsrail, İspaniya;
4-cü səbət: Livan, İraq, Tailand, Yaponiya, Hindistan, Albaniya, İrlandiya, Portuqaliya;

Meydan sahibi BƏƏ A qrupunda yer alacaq. Hər qrupda 4 komanda olmaqla 8 qrup təşkil olunacaq.

Qeyd edək ki, dünya çempionatının püşkü Bakı vaxtı ilə saat 18:00-da atılacaq. Mundial oktyabrın 26-dan noyabrın 4-dək BƏƏ-də keçiriləcək.