19 yaşadək futbolçulardan ibarət Azərbaycan millisi (U-19) Avropa çempionatının seçmə mərhələsinə məğlubiyyətlə başlayıb.

Prosport.Az xəbər verir ki, Elxan Abdullayevin baş məşqçisi olduğu kollektiv İslandiya ilə üz-üzə gəlib.

Moldovanın paytaxtı Kişinyovda təşkil olunan qarşılaşma rəqibin qələbəsi ilə bitib – 2:0.

Qeyd edək ki, U-19 noyabrın 16-da İrlandiya, bundan 3 gün sonra isə meydan sahibləri ilə görüşəcək.

11:16

Azərbaycanın 19 yaşadək futbolçulardan ibarət yığması Avropa çempionatının seçmə mərhələsində bu gün mübarizəyə başlayır.

Prosport.Az xəbər verir ki, VII qrupda yer alan komanda İslandiya ilə üz-üzə gələcək.

Moldovanın paytaxtı Kişinyovdakı “Zimbru-2” stadionunda təşkil olunacaq qarşılaşmanı şotlandiyalı baş hakim idarə edəcək. Matç Bakı vaxtı ilə saat 14:00-da başlayacaq.

Avropa çempionatının seçmə mərhələsi

VII qrup

13 noyabr

14:00 Azərbaycan – İslandiya

Hakimlər: Deyvid Dikinson, Kreyq Ferqyuson (hər ikisi Şotlandiya), Qennadi Lisitsa, İqor Boşka (hər ikisi Moldova).

Kişinyov, "Zimbru-2" stadionu.