Qusar Olimpiya İdman Kompleksinə tanınmış boks hakimi Anar Babanlı direktor təyin olunub.

Prosport.Az-ın xəbərinə görə, gənclər və idman naziri Fərid Qayıbov bu barədə əmr imzalayıb.

Artıq A.Babanlı yeni işinə başlayıb.

Qeyd edək ki, A.Babanlı boks üzrə beynəlxalq dərəcəli hakimdir. O, Tokio Yay Olimpiya Oyunlarında Azərbaycanı təmsil etmiş 7 hakimdən 1-i olub.

Xatırladaq ki, Anar Babanlının son iş yeri Beyləqan Olimpiya İdman Kompleksi olub. O orada da direktor işləyib. Hazırda Gənclər və İdman Nazirliyi həmin kompleksə yeni direktor axtarışındadır.

Səbuhi Musa