"Keyfiyyətli rəqibə 3 gündə 2 dəfə qalib gəlmək çətindir, xüsusən də çox səhv edəndə". 

Prosport.Az-ın xəbərinə görə, bunu Monteneqronun 18 yaşadək futbol millisinin (U-18) baş məşqçisi Qoran Perişiç deyib.

47 yaşlı məşqçi Monteneqronun Tuzi şəhərində keçirilmiş qarşılaşmada Azərbaycan millisinə 1:2 uduzmaları barədə danışıb: "Həmçinin, ilk qarşılaşma ilə müqayisədə heyətdə xeyli dəyişiklik oldu. Bu görüşdə keçən matçda meydanda az olmuş futbolçular oynamaq şansı qazandı. 

Bu, gələn il üçün komanda hazırlaşdırma prosesinin başlanğıcıdır. Bizi seçmə mərhələlər gözləyir. Hamıya aydındır ki, bir çox oyunçu millidə yer almaq istəyirsə, öz üzərində daha çox və daha ciddi işləməlidir".

Qeyd edək ki, U-18 millimiz daha əvvəl paytaxt Podqoritsada monteneqrolu həmyaşıdlarına 0:2 uduzmuşdu.