Qəbələdə təlim-məşq toplanışında olan 15 yaşadək futbolçulardan ibarət Azərbaycan milli komandası (U-15) növbəti yoxlama görüşünü keçirib.

Prosport.Az xəbər verir ki, U-15 Qəbələdə hazırlıq keçən Türkiyənin müvafiq yaş qrupundan ibarət komandası ilə 2-ci dəfə qarşılaşıb. Qəbələ şəhər stadionunda Rüfət Əhmədov, Ruslan Nəsibov və Samir Hacıyevdən ibarət hakimlər briqadasının idarə etdiyi oyun 2:2 hesabı ilə yekunlaşıb.

Millimizin heyətində qolları 54-cü dəqiqədə Uğur Qurbanlı və 77-ci dəqiqədə penaltidən Əli Bəşirov vurublar. Hər iki futbolçu "Qarabağ"ın formasını geyinir. Türkiyə millisindən isə "Trabzonspor"un hücumçusu Öztürk Mustafa Nohut (25) və "Fənərbağça"nın müdafiəçisi Haktan Yılmaz (83) fərqlənib.

Azərbaycan: Bilal Hacıyev, Mehdi İsmayılov, Vaqif Nəbiyev, Uğur Qurbanlı (k), Roman Fərzəli, Vaqif Məmmədli (Tunar Bayramov, 84), Cavidan Əlizadə (Tunar Əsgərzadə, 46), Nihad Hüseynzadə, Ömər Kosayev (Ruslan Əbilov, 80), Əli Bəşirov, Yusif Orucəliyev (Murad İsmayılov, 78)
Baş məşqçi: Aqil Nəbiyev

Türkiyə: Yağız Ekrem Çaçan, Yağız Kaan Bilgi (Hürkan Aktaş, 78), Kartal Yiğithan Yılmaz, Eyüp Çətinkaya (k) (Doruk Kadiroğlu, 46), Onur Səfəroğlu (Arda Karaömər, 46), Bədirhan Güneli (Əmirhan Karabulut, 78), Efkan Faruk Kəsim (Rıdvan Harman, 60), Aras Çəlik (Haktan Yılmaz, 60), Öztürk Mustafa Nohut, Mahmut Yağız Kazaz (Mehmet Efe Bozkurt, 60), Akın Ali Özcan (Yusuf Koloğlu, 60)
Baş məşqçi: Ərdal Günəş

Qeyd edək ki, komandalar arasında oktyabrın 28-də keçirilən ilk görüşdə Türkiyə yığması 2:0 hesablı qələbə qazanıb.