Qəbələdə təlim-məşq toplanışında olan 15 yaşadək futbol millimiz (U-15) Türkiyə yığması ilə qarşılaşıb.

Prosport.Az-ın xəbərinə görə, qonaq komanda Aqil Nəbiyevin baş məşqçisi olduğu komandaya 2:0 qalib gəlib.

Qolları "Qalatasaray"lı hücumçu Arda Karaömər (3-cü dəqiqə) və "Samsunspor"un yarımmüdafiəçisi Yusuf Koloğlu (43-cü dəqiqə) vurub.

Qəbələ şəhər stadionunda hakimlər – Elçin Abdullayev, Ağadur Mahmudov və Elvin Mədətovun idarə etdiyi görüşdə heyətlər bu cür olub:

Azərbaycan: Bilal Hacıyev, Mehdi İsmayılov, Vaqif Nəbiyev, Uğur Qurbanlı, Roman Fərzəli, Tunar Bayramov (Vaqif Məmmədli, 58), Tunar Əsgərzadə (Yusif Orucəliyev, 58), Nihad Hüseynzadə (Mirzə Məmmədli, 84), Ömər Kosayev (Rəvan Məmmədov, 78), Əli Bəşirov, Ruslan Əbilov (Cavidan Əlizadə, 46)

Türkiyə: Yiğit Baynazoğlu, Yağız Kaan Bilgili (Ege Mehmet Özgül, 84), Əmirhan Karabulut (Bədirhan Güneli, 84), Haktan Yılmaz (Öztürk Mustafa Nohut, 75), Rıdvan Harman, Kartal Yiğithan Yılmaz, Hürkan Aktaş (Əmir Alim Yılmaz, 58), Yusuf Koloğlu (Mahmut Yağız Kazaz, 58), Arda Karaömər (Efkan Furkan Kəsim, 75), Eyüp Çətinkaya Onur Səfəroğlu (Akın Ali Özcan, 75)

Qeyd edək ki, bu komandalar arasında 2-ci yoxlama oyunu oktyabrın 31-də keçiriləcək. Həmin matç saat 12:00-da başlayacaq.